Musik und Text: R.Hömig/ Bläck Fööss

Dreeimol, Kölle

Mir Kölsche krijjen flöck nen decken Hals
mir Kölsche sagen leever wie, wie als
mir Kölsche fressen jeden Dach en Flönz
mir han d'r FC Kölle, wat dann söns.
Mir Kölsche ston bes morjens an d'r Thek
mir Kölsche maachen Deckele beim Weet
mir Kölsche looßen keiner dran
mir Kölsche mir han Spetzebötzjer an.

Mir Kölsche, mir Kölsche
mir Kölsche han met jarnix jet am Hoot
Dröm jeit et uns Kölsche
och immer immer immer widder jot.

Mir Kölsche fahren met d'r KVB
manchmol och mem Müllemer Bötche
mir Kölsche mir sin Mädche un och Jonge
mir Kölsche sin dem Herrjott jot jelunge
mir Kölsche han d'r längste Desch d'r Welt
Fastelovend weed de decke Trumm jespillt
mir loßen d'r Dom am Bahnhof ston
un däten ze Fooß noh Kölle jon.

Mir Kölsche, mir Kölsche
mir Kölsche han met jarnix jet am Hoot
Dröm jeit et uns Kölsche
och immer immer immer widder jot.
Mir Kölsche, mir Kölsche
mir Kölsche han de schönste Stadt am Rhing,
un doröm han mir Kölsche
em Hätze immer immer widder Sonnesching.

Kayjass, Köbes, Kölsch, Kamelle,
Kallendresser, halven Hahn,
de Haupsach es, et Hätz es jot,
nur dodrop kütt et an.

Mir Kölsche, mir Kölsche
mir Kölsche han met jarnix jet am Hoot
Dröm jeit et uns Kölsche
och immer immer immer widder jot.
Mir Kölsche, mir Kölsche
mir Kölsche han de schönste Stadt am Rhing,
un doröm han mir Kölsche
em Hätze immer immer widder Sonnesching.

Dreeimol, Kölle Alaaf

© Bläck Fööss

See also:
JustSomeLyrics
10
10.123
The Selecter Shock to the System Lyrics
Lou Reed Venus in furs Lyrics