Nadau 08 - Sent Joan Lyrics

Anem donc, sortitz de casa,
Que v'atendem au comunau,
Tiratz carbons de la brasa,
Qu'ei lo moment de har lo huec nau.

Ref: Sent Joan se n'ei tornat,
Un gran sorelh au sac,
Lo qui n'ei pas content
S'arrevire de cuu au vent.

Ne'vs fot pas donc la gratèra
De badar la television,
Auditz lo passacarrèra,
E per un còp viratz lo boton.
[Ref]
Lo mauvíver de tot dia,
E lo tristèr e lo despieit,
Còp sec lo huec que'us cambia
En mila estelas capvath la nueit.
[Ref]
En holia lo mainatge,
Qu'an desarcussat lo regent,
Que l'an passat au ciratge,
Lo praube qu'a lo cuu tot lusent.
[Ref]
De que n'i a dessús l'erbeta
Qui an beròi commençat l'estiu,
Lo grilh qu'ei sus la grilheta,
Lo cotoliu canta lo piu piu.
[Ref]
Los uns píntan tà's soviéner,
Los autes tà desbrembar,
Tau passat e tà l'aviéner,
Taus lendomans qui van lhèu cantar.
[Ref]