Gipo Farassino Piemonteis Lyrics

'Ndova son finì ij Piemonteis
ij legendari bogianen
ch'a l'han nen trëmblà 'dnans ij franseis,
'dnans a j'alman..
Coi òmo fier 'n po' testard col pass pesant da montagnar
ch'a l'han fecondà sta nòstra tera tibulà..
'Ndova son finì coj Piemonteis
con la vos dura e 'l cheur d' ëvlu ch'a l'han lotà
ch'a l'han sofert, ch'a l'han chërdu..
Coi travajeur sensa soriss
ch'a l'han piantà nòstre radiss..
Sota le fiòche, sota 'l tuf, sota 'n ciel gris
Lontan, lontan..
come 'n lament 's leva na canson
l'è 'l sospir profond dla tradission
ch'a smija 'd bësbijè ant j'orije 'd nòstra gent
Dësvijte bogianen aussa toa front
arvendica toa tera 'd tò Piemont
'Ndova van ij Piemonteis con cola facia d'artajor
ch'a smija spetè la man dël preive e dël sotror
e con ël cul 'nsavonà da presentè come 'n bochèt
al prim 'betè ch'a mostra j'ale da galèt
'Ndova van ij piemonteis
col còl ëstòrt e ij sòld 'n man për marcandè 'n po' d'ilusion fin-a doman
con le scalosse fòra 'd l'uss për fè pì 'n pressa
'npajè ij tond se 'n deficent a crija ch'a-i j'è la fin dël mond
Lontan, lontan...
come 'n lament 's leva na canson
a l'è 'l sospir profond dla tradission
ch'a smija 'd bësbijè ant j'orije 'd nòstra gent
Dësvijte bogianen aussa toa front
arvendica toa tera 'd tò Piemont
'Ndova finiran ij Piemonteis
con l'italian 'n mess ij dent
e con le fomne e 'l sol di napoli ant la ment
le braje pien-e 'd confusion
grassios cadò 'd coi pelegrin
mandà da Roma an nòstre vigne a fè ij padron
'Ndova finiran ij Piemonteis
con le man veuide e ij tubo pien
imposission, nacià, gabèle, umiliassion
sensa 'n drapò sensa destin
tra pizza mafia e mandolin
sensa ideal sensa n'ëspron sensa ambission
Lontan, lontan...
come 'n lament 's leva na canson
a l'è 'l sospir profond dla tradission
ch'a smija 'd bësbijè ant j'orije 'd nòstra gent
Dësvijte bogianen aussa toa front
arvendica toa tera 'd tò Piemont
......
Dësvijte bogianen aussa toa front
arvendica toa tera 'd tò Piemont!!

(by MICILATT)