'A CARTULINA 'E NAPULE

De Luca - Buongiovanni

Mm'è arrivata, stammatina,
na cartulina:
E' na veduta 'e Napule
che mm'ha mannato mámmema...

Se vede tutt''o Vommero,
se vede Margellina,
nu poco 'e cielo 'e Napule...
'ncopp'a 'sta cartulina!

Napule,
aggio scritto pe' te chesta canzone...
e, p''o ricordo 'e mámmema,
aggio chiagnuto lacreme 'e passione!

E se vede pure 'o mare
cu Marechiaro:
Mme parla cchiù 'e na lettera
'sta cartulina 'e Napule!

Che gioja, stu Pusilleco,
'sta villa quant'è fina...
Comm'è bello 'o Vesuvio...
che bella cartulina!

Napule,
.............

"Comme tu puó' stá felice
- mamma mme dice -
luntano tanto 'a Napule,
luntano tanto 'a mámmeta?"

E soffro mille spáseme,
'ncore tengo na spina
quanno cunfronto 'America
cu chesta cartulina!...

Napule,

See also:
JustSomeLyrics
103
103.71
Градский Румба-Свинг Lyrics
VVAA Apenino / El Buen Vigía Lyrics