Wolfgang Ambros De Swoboda Lyrics

Sogn Sie, wissen Sie, wos mit da Swoboda los is?
I mahn, kennans Ihna vorstell'n, es is ihr vielleicht wos gscheg'n?
I leit schau aun bei ihr seit Togn, und beim Greisler hob is a schau lang ned gsegn.
Glaubn se vielleicht das sie krank is, oda hoits uns nur zum Noarn,
Vielleicht hots' a sie des Gas aufdraht, oder sie amoi zu ihrer Schwester g'foahrn.
Manens vielleicht sie is gstorb'n, weil ihr Rent'n is nämlich bei mir obgem woarn.

Heans, i mecht wissen, wos ihna de Swoboda aungeht,
i man, waun i wos sogn tät, bitte, i hob sie gepflegt
Schließlich bin i ihr um die Milch g'aunga, und i hob ir a ned die Mistsackln vor die Tür g'legt!
Und jetzt stehn Sie do und spüan in Samarita, ausgnutz haum's es, wieas hecha nimma geht!
Und dauernd haums Ihna wos ausborgt vo ihr, oba zruckgehm haumses ned!
Nana, wia redn Se mit mir, waun de Swoboda tot is hinta dera Tür!

Ahh, Se falscha Hund, Sie mocha Ihna waumpat,
und Sie draun Ihna sogn, Se, Se haums gepflegt? Do loch i hearns!
Schnorrn sans g'aunga zu ihr, wauns vorm Erstn Neger woarn, und sie hot Ihna oiwei an Zwanzga zuwig'steckt.
Und jetzt stehn Sie do, und reisn die große Liebe!
A Erbschleicher san Se, owa Großartig!
A Leichenfledderer sans, a gaunz a Mieser,
und wauns lang bled san, daun seg'n ma uns vor Gericht, is des kloar?

Dirket unverschämt san Se, waun die Rent'n irgendwem zusteht, daun bin des i!
Sie san a Dieb, ja, des is genau des wos sie san!
Die Rent'n die g'heart mir, des woar da Swoboda ihr letzer Wü!
Und jetzt woll'n Sie ihna do mei Eigentum erschleichen, passn's auf, das Ihna dabei ned verkühn!

A, do schau her, derf dess woar sein? Schönen guten Morgen, Frau Swoboda!
Tschuldigens schau, waun ma a bisserl laut woarn.
Na, wos sogns, heans, die Oide krotzt und krotzt ned ob!
Naja, morgen vielleicht, wenn ned heut,
i hät de Rent'n, sowieso ehrlich mit Ihna gteilt.