Ousa Nousava Ousa Nousava Lyrics

Combien créole i plèr lo zié fermé?
Mi compren pa kan domoun i di ke nou lé francé,
Moin na in fami en France i artourne biento,
Parske domoun la France i appel a zot sal négros.
Demin kan coq sra fini chanté,
Si ou ve not deux ou nou va coz in pé.
De toute façon sot mi di i servra pa a rien,
Ou va dia moin sé la vi, ou va dia moin sé le destin.

Kan moin lété ti mon papa té tape a moin,
Astèr kan moin lé gran, li coz bien ek moin.
Mé li di a moin comme sa, oui oté mon gran dada,
Si pli tar ou ve manzé, i fodra kou sa travayé.
Li mèt aou si la terre juska 18 ans,
Li essaye fé out bonheur daprè zot sentiments,
Et li di aou dan out vi sé li le patron,
Si li la di oui i fo pa ke ou di non.
La mer, le ciel, soleil tou sa lé bien joli,
Mé créol i aime ossi kan son ti Kafrine lé dan son lit,
Sa lé momentané mé i réchauffe son kèr,
Kan son parole lé bloké li offre in bouquet fleur.
Po ti kafrine là li va désaute la mer,
Po ti kafrine là li va largue in prière.
Li lé fatigué embrassé en cachette derrière l' HD,
Aujourd'hui li sorte à genoux é li demande son liberté.

Demin nou va monte dan lé hauts.
Demin nou va rode la forêt.
Mé Robinson Crusoé tou sa la, la fini aigri,
Allon rode oussa i lé nout ti paradis.
Demin nou va monte dan lé hauts,
Et demin nou va rode la forêt.
Mé Robinson Crusoé tou sa la, la fini aigri,
Allon rode oussa i lé nout ti paradis.

Avan ke zhommes politik i déclenche la guerre,
Avan ke boug bon ou movè i fé tremb la Terre,
Allon mèt la main ensemb, not toute allon amusé.
Not toute i ressemb la pa besoin critiké,
Mé dessi la Terre nin gatèr i appel Président,
Gouvernmen na poin larznet mé li la pou voyage tou ltemps
In zour dan son dépression, pou li fé fane son colèr,
Boug larab lapyi si in bouton, là bas i déclenche in guerre nucléair.

Demin nou va monte dan lé hauts (ti pa, ti pa narivé)
Demin nou va rode la forêt.
Mé si ou boir pi lo ronm, mé si ou sarpi la boutik
Allon fime in naffair bana i appel la calik.
Demin nou va monte dan lé hauts,
Et demin nou va rode la forêt.
Mé si ou boir pi lo ronm, mé si ou sarpi la boutik
Allon fime in naffair bana i appel la calik.

Domoun dan lé bas i di ke zot i mange pi patate,
Laisse la moukate là pou bone domoun i habite mafate.
Laisse a zot cozé, in zour kan manzé nora point,
Kan zot bas va commence coulé, domoun dan lé bas va manz zot voisins.
Le blanc i tape le noir i di ksé le destin,
Marsienh i debark dann fenwar i di ksé le destin,
In zour kan nora pi manzé appel ali destiné,
Sot la pa planté li va fé pitié.

Demin nou va monte dan lé hauts.
Demin nou va rode la forêt.
Moin la pa connu l'esclavage, comme en l'air dan temps Mme Desbassyns,
Mé mi vive su in bout la terre, in volcan dan l'Océan Indien.

Ecoute dan coquillage ou va enten le bruit la mer,
Appren a li sa si ou ve allé en l'air,
Ou pe toujours bat in carré dan l'espoir n'in changement d'l'air,
Ou pe ossi maziné kapré ou ar tsend dessu la terre.
Avan la caze mémèr kan nou té fini manzé,
Nou té raconte zistoir gran-père tou sa la pou mieu digéré.
Gran matin café péï avek in dîné chauffé,
La mon zourné té rempli, moin lavé la force pou lévé.

Demin nou va monte dan lé hauts.
Demin nou va rode la forêt.
Moin la trouve in rêve dan fond terre infini,
Na lamour dessu nout lève oté croi a moin ma fille,
Mon kèr comme in flèr, son lodèr maloya.
La Terre sé l'enfer, mon dié ousa nou sava?