Martjie, die roos wat jy Junie gebring het
Het uitgedroog op die rak
Die blare wat rooi was het purper geword
Die nag het baie klanke

Ek het Sondag die roos in jou wynglas gesit
Die groene waaruit jy so rustig kon drink
Die purper lyk mooi in die donkergroen kelk
Die nag het baie klanke

Ek hoor jou sê
Bring vir my blomme terwyl ek nog leef
Hou niks terug nie, die lewe is kort
Deel die geheime wat jy altyd weerhou
Want more is te laat vir berou

Ek onthou nou die vuur wat jy gemaak het
Jy het amper jou hande verbrand
Ek het salf gesmeer, jou hande in myne
Die nag het baie klanke

Martjie, die man wat ons tuin versorg
het Vrydag gevra waar jy is
Hoe kon ek verduidelik jy kom nooit weer terug
Die nag het baie klanke

Ek sit voor die kaggel, lees jou laaste gedig
Met die opstaan besef ek dis buite reeds lig
Ek streel oor die roos en my duim begin bloei
Jy's nie weg nie, kyk, hier't 'n doring gegroei

Bring vir my blomme terwyl ek leef
Hou niks terug nie, die lewe is kort
Deel die geheime wat jy altyd weerhou
Want more is te laat vir berou

See also:
JustSomeLyrics
110
110.93
Gala 0 Chipper My Girl OT 2008 Lyrics
17.KONTRAFAKT ZIVOT JE BOJ Lyrics