น้อยไจยา

( ช ) ปวงดอกไม้เบ่งบานสลอน.. ฝูงภมรแม่เผิ้งสอดไซ้
ดอกพิกุลของปี้ต้นใต้ ลมปั๊ดไม้มาสู่บ้านตู๋
ฮู้แน่ซัดเข้าสอดสองหู ว่าสีจ๊มปูถูกป้ำเก๊าเนิ้ง.....
เก๊ามันต๋ายป๋ายมันเซิ่ง ลำกิ่งเนิ้งต๋ายโก้นตวยแนว
ดอกพิกุลก่คือดอกแก้ว ไป๋เป๋นหองเปิ้นแล้ว เนอ .....

( ญ ) แต๋มเก๊าเนิ้งกิ่งมันบ่ถอน.. บ่ไหวเฟือนคอนกิ่งใบไหวเล่า
ต๋ามกำลมเปิ้นปั๊ดออกเข้า มีแต่เก๊าไหวหวั่นคอนเฟือน
กิ่งมันแต๊บ่แสเสลือน บ่เหมือนลมเจยรำเพยก่จะนั้น.....
ใจ๋น้องญิงนี้หนิมเตี้ยงมั่น บ่เป๋นของเปิ้น คนใด
ยังเป๋นกระจกแว่นแก้วเงาใส บ่ไหวคอนเหงี่ยงจ๊าย เนอ .....

( ช ) ตั๋วปี้น้อยจักขอถาม..ต๋ามกำลมเปิ้นมาเล่าอู้
ว่านายมีจู๊อยู่บ้านวังสิงห์คำ ฝ่ายตางปู๊นเปิ้นมาใส่ประจ๋ำ
บ้านวังสิงห์คำเปิ้นหมั้นก่ไว้แล้ว.....
ป้อแม่สาวน้องนางแว่นแก้ว ก่ตกลงแล้วบ่ใจ้กาหา
เปิ้นจะกิ๋นแขกแต่งก๋าน ก่วิวาห์ เมื่อใดจาปี้น้อยใคร่ฮู้เก๊า.....
ส่วนไจยาบ่สมเปิงเจ้า ปี้เขียมข้าวของเงินทอง
ฝ่ายตั๋วนายบ่หมายเกี่ยวข้อง มาละหมองต่ำก๊อย เนอ .....

( ญ ) ตั๋วน้องนี้บ่ล่าไหลหลง ก๋านตกลงก่ยังบ่แล้ว
จึงเจินตั๋วปี้มาห้วยแก้ว เพราะใค่ฮู้กำฟู่กำจ๋า
จึ่งเจินหน้อยปี้มาเปิ๊กษา จะว่าใดจาตั๋วน้องก่ใคร่ฮู้.....
ก๋าน..ตี้มาฟู่อู้จะเอาเป๋นจู๊กาว่าเอาเป๋นเมีย หรือจะลบล้างลืมลายหายเสีย
บ่เอาเป๋นเมียหรือจะทิ้งเสียแล้ว.....
หรือเอาเป๋นเมียนางจ๊างแก้ว อยู่เป๋นคู่ เตียมคิง
ขอบอกนายหื้อแน่ใจจริง บ่อำพรางนาถน้อง เนอ .....

( ช ) บ่จุ๊หลอกน้องหื้อหม่นหมองหมาง ..บ่ล่อลวงพรางแม่นางฮ่างแค๊ว
ปี้หมายเอาเป๋นเมียนางจ๊างแก้ว บ่หื้อคลาดแคล้วเรื่องกำสีเน
หลอนแก้วน้องใจยังบ่เว๋ เรื่องกำสีเนเหมือนปี้ก่กึ๊ดเล่า.....
หลอนปี้จุ๊ยังล่ายเจ้า ขอหื้อฟ้าผ่าหัวแม่เมียต๋าย
ลูกมะญิงอู้เล่นก่บ่ดาย ลูกป้อจายอู้แต๊ก่บ่พัง.....
หลอนนายต๋ายเป๋นไก่ตั้ง ปี้น้อยจะต๋ายเป๋นคืน
ฟู่บ่ถูกวันพูกก่บ่ขืน ฟู่มะคืนตึงบ่ขืนเมื่อเจ๊า.....
ตั๋วข้าตึงยังเผียบเจ้า เป๋นเหมือนเหล้า กับปาง
ปากกำใดปี้ก่ตึง บ่ใจ้จ๋างจากน้อง เนอ .....

.

See also:
JustSomeLyrics
113
113.63
Linday lohan Karaoke - - Lindsay Lohan - Very Last Moment In Time Lyrics
MARC ANTONY LO QUE NO DI Lyrics