Nónk Haarie woerd koeëmed joor tachtig
en Willem dèè woas èève aad
dei vonten het lèève nog prachtig
d'n aaërdóm dèè loet ze kaad
en doacheliks fitsde ze soame
gebreikde den ottoo nemie
ze loete zich ooch noets nie proame
vier e speelke biljaar mèt z'n twie.

Speelke biljaar op dèè biljaar
klee stèkske griehn zonner besjaar
van 's ooves loat tot 's mèrges vrig
den eene dich den aanere bèn ich.

Ze kosde d'een d'aaner nie misse
ze deelde hin lief en hin leed
en moste ze iet goeën beslisse
dan woerd doo veel kal oan besteed
de klante dei kaane hin strieëke
dei zoeghe wèè 't speelke verloerd
dèè stond dan betiehterd te kieke
en zag gee gebinnedijd woerd.

't Woas kaad 't woas ènd jannewoarie
en Willem woas nog maer krek tous
doen iemes koem zègge dat Haarie
iet woas ieëverkoeëme oan hous
hèè moakde 'n voust en z'n moale
en prieëvelde doen hakkerdzjie
dat ze Haarie nou krek moeten hoale
biljaare kan alleen maer mèt twie

See also:
JustSomeLyrics
113
113.76
The Mighty Nimbus Eclipse Lyrics
Rockdrigo González Tiempos de híbridos Lyrics