Nuova Compagnia Di Canto Popolare La Rumba Degli Scugnizzi Lyrics

Chesta è 'a rumba d''e scugnizze
ca s'abballa a tutte pizze
truove "a dama" 'mpizze 'mpizze
ca te fa squase e carizze
si te fa passà 'e verrizze
strett' e mmane vase e frizze
pruove gusto e te ce avvizze
cchiù te sfriene e cchiù t'appizze
comme a tanta pire nizze
te ne scinne a sghizze a sghizze
fino a quanno nun scapizze
Chesta è 'a rumba d''e scugnizze
'O rilorgio mo capisco
pecchè 'o cerco e nun 'o trovo
steva appiso è gghiuto 'o ffrisco
c'è rimasto sulo 'o chiuovo.
'O chiuovo i' tengo!
Belle 'e 'ammere!
scarola riccia pp'a 'nzalata!
Finocchio!
'O spassatiempo!
Capillò!
Mo t''e ccoglie e mo t''e venghe..
Guè ll'aglio!
Chesta è 'a rumba d''e scugnizze...
a__ettateve a__ettateve!
...ca s'abballa a tutte pizze.....
Oquadrillo e 'a figurella!
...truove "a dama" 'mpizze 'mpizze...
'O mastrille e 'a rattacasa!
...ca te fa squase e carizze...
Quant'è bello 'o battilocchio!
...pruove gusto e te ce avvizze...
Pe' chi tene 'a moglie pazza!
...cchiù te sfriene e te ce appizze...
Quatte solde 'o fenucchietto!
...comme a tante pirenizze
te ne scinne a sghizze a sghizze
fino a quanno nun scapizze.
Chesta è 'a rumba d''e scugnizze
Puparuole e aulive!
Robba vecchia!
Pallune p'allesse!
'E mellune chine 'e fuoco!
Na bbona marenna! Na bbona marenna!
Cotogne!
Gelati! Gelati! Gelati! Gelati!
Conciatiè!
'A pizza cu alice! 'A pizza cu alice!
Furne 'e campagna!
Magnateve 'o cocco! Magnateve 'o cocco!
D''o ciardino tutte secche...!
'A capa d''o purpo! 'A capa d''o purpo!
'O Roma!
Chella bella Mamma d''o Carmine v''o pava
nun pozzo faticà!
E' bellella 'a paparella!
Se' tuvaglie cinche lire!
N'ata pianta po' salotto
Nocelline americane!
Tengo 'o ggrano p''a pastiera!
Pacchianè chi s''o penzava tiene chisto campo 'e fave?
Cicchignacco int''a b___eglia!
'O zi' monaco mbriacone!
'O veleno p''e scarrafune!
'A dummeneca addò t''a faie?
Comme scinne a sghizze a sghizze
fino a quanno nun scapizze.
Chest' è 'a rumba d''e scugnizze!