Үгийг : Д. Гант
Аяыг : Сэр-Од

Одтойхон насандаа учраад онцлон онцлон ажсан чинь
Омголон зангаар ширвээд ширвээд нэг өнгөрсөн ч
Ондоонгүй хайраа илчлээд учирлан учирлан дагахад минь
Орчлонг хамт туулах итгэл хайрласандаа чи минь

Идэрхэн насандаан ижилсэн дасаад бидэн хоёр оо
Эрхэлж нэг туниж нэг явсан ч бие бие нь дээ
Энгүй хайраа амтлан цэнгэсэн дээ цэнгэсэн дээ
Элбэрэл журмаа дээдлэн жаргасан даа жаргасан даа

Үдийн наран хэвийх насандаа тогтоогоод нэг ажихад
Дөлгөөн харцаар угтаад мишээсэн дээ чи минь
Үрийн үрсээ хараад баясахдаа бидэн хоёр оо
Өөрсдийгөө ч мартаад тэмүүлдэг дээ тэдэнлүүгээ

Оройн наран аргамжихын насандаа эргээд нэг ажихад
Овор дүүрэн ч ачлал төгс түшиг минь болоо юу та
Өтгөн шаргал цайгаа дундаа тавиад хуучилсан
Өвөө эмээ гэгдээд жаргаж сууна уу бидэн хоёр оо

See also:
JustSomeLyrics
114
114.106
10 Out Of Reach Lyrics
nicolae guta & susanu nu ma suparati @ www.ccmp3.net Lyrics