Su ton lèvre un zistoire, na rien que la pluie pou raconté
De l'eau dann ton zié noir, lé comme de sucre dann tasse café
Su ton peau frisson, sous mon doigt le soir na ni en dans la pou causé
Ton cheveu ek brouillard comme l'odeur rose sous la rosée

Zistoir monsieur le foi la mange son foie ek un grain d'sel
Si ou la faim mange un doigt, mette de sel sous la queue tourterelle
Dann temps té fallait croire lété comme zistoir père noël
A soir c'est mon zistoir mi veut mélange ek in mamzelle

Nous té fé bataille quand coq lavoir la boutique chinois
Dann temps gramoun Edgar défunt Clément l'argent C F A
Zordi ou lé en sommeil sat ou la dit ma raconté
Ou sent l'odèr la terre quand la pluie i commence tomber

La dit créole lé noir, lé vilain i gaine même pas cause français
En plus li boire l'alcool, li fume zamal, li sent mauvais
Chacun na son défaut mette pas créole plus bas que la terre
Lé meilleur qu'passe un quête dann l'enterrement quand de moun i plère

Gramoun si ou lété là, ou n'aurait raconté
Longtemps un moun lété pauvre, mais li té fait pas pitié
La dit a nous sa comme margoze, li va ni doux après
La dose en overdose, le bonne margoze la pou gâté

Ou qui lé mon case en tôle, mon bonne camarade créole
Sat quand la pluie su la tôle, té dit na point l'école li té lève midi
Na un peu la tombe dans l'alcool, plus futé la suive gran l'école
A moine ek mon l'ombrage, s'ra comme soleil dann nid fourmi
Ou té joué samm la moque en tôle, l'argent zordi la rouve out zépaule

Oublie pas ton z'a__iette mangé, oublie pas ton savate doigt de pied
Pas parce que zordi ou lé missié ou voit pu out l''identité
Ou la joué samm moin dan la poussière, out cheveux conyé ou sorte la guerre
Ton peau, coulère rose bleue bord de mer

Son moman mette pu capeline, son papa i sent la cuisine
Ti frère deboute dann charrete, la pou regarde l'école rentré
Sous son bras talère son goni, pou son sommeil l'après midi
S'ra comme l'ombrage mon pied goyave, i efface quand soleil i sa dormi
Ou qui lé mon cafrine la terre, son ti cœur péi son corps la rivière

Cafrine arvient dikdik mon pied, armette ton main dans mon cheveux
Moin la envie ou défende a moin croire, la fin des temps pas loin arrivé
Comme caresse soleil dann caresse la pluie, nallé vive Mafate ou bien Salazie
Et na laisse un trace pou l'odèr nout péi

Quand la pluie i tombe fort, nou dit bon dieu la pou pléré
Na de l'eau su ton corps , sat lé mienne i dort dans mon yeux
Mon rêve comme un tableau, le bonne couleur la débordé
Un tableau, un bateau, ou un l'arche comme sat ou veut

Bayoun quo ça mi fé là, quo ça n'aura après
Pouquoué nou ri nous pleure, mais a cause nous iaime nous tué
Va dit ça guêpe l'hiver, fourmi l'été ça l'eau sucrée
Ma tien beau serré dann cœur, la clé sentier chemin Grand Tremblé

Aster mi sar pu l'école, mon cœur comme un moque en tôle
Endans na rhum charrette, au son plein pou pas li sonne creux
Mi espère la nouvelle lune, pou que la pluie i tombe en farine
Mon cafrine sous son capeline, son cœur comme ravine va dégraine coté
Mon meilleur camarade l'école, la dit pou l'argent faut pas cause créole

I faut ton tête lé bien peigné, i faut ti gaine bien cause français
Pou gaine déjà marche dann soulier, ou maille pas dann la dit la fé
Faut dans ton yeux na point malol, faut dans ton cœur na point l'alcool
En plus fallait ou té i apprende l'école

See also:
JustSomeLyrics
123
123.10
The Best Acoutic Album Fake Plastic Trees (Acoustic Version) - Radiohead Lyrics
OUSANOUSAVA Loder mon péi Lyrics