Tutte ll'amice mieje sanno ca tuorne...
ca si' partuta e no ca mm'ha lassato...
sò' già tre ghiuorne...
Nisciuno 'nfin'a mo s'è 'mmagginato
ca tu, crisciuta 'ncopp''o core mio,
mm'ha ditto: addio!

E torna rundinella...
torna a stu nido mo ch'è primmavera...
i' lasso 'a porta aperta quanno è 'a sera
speranno 'e te truvà
vicino a me...

Vulanno pe' città nove e stramane,
tu no, nun può sapè che te ne véne
ogge o dimane...
E si nun truove maje chi te va bene
quanto te ne vogl'io
ll'amice 'o ssanno
che faje vulanno?

E torna rundinella...
torna a stu nido mo ch'è primmavera...
i' lasso 'a porta aperta quanno è 'a sera
speranno 'e te truvà
vicino a me...

Torna! Ll'amice mieje sanno ca tuorne...
Tutte se so' 'nfurmate e a tutte dico:
"Dint'a sti juorne!"
Uno sultanto, era 'o cchi? buono amico,
nun ll'aggio visto e nun c'è cchi è venuto...
fosse partuto?...

E torna rundinella...
torna a stu nido mo ch'è primmavera...
i' lasso 'a porta aperta quanno è 'a sera
speranno 'e te truvà
vicino a me...

See also:
JustSomeLyrics
124
124.11
Body & Soul Chiar daca vei pleca - zoul Lyrics
Andres Landeros La Pava Congona Lyrics