Gul hui jaati hai, afsurda sulagti hui shaam
Dhul ke niklegi abhi chashmaye mehtab se raat

Aur mushtaq nigahon ki suni jayegi
Aur un haathon se mas honge ye tarse hue haath

Unka aanchal hai ke rukhsar ke pairahan he
Kuch to hai jis se hui jaati hai chilman rangeen

Jaane us zulf ki mauhoom ghani chaaon mein
Timtimata hai woh aaveza abhi tak ke nahin

Aaj phir husne dilara ki wahi dhaj hogi
Wohi khabeeda si aankhen wahi kajal ki lakir
Rang-e rukhsar pe halka sa woh ghaaze ka ghubar
Sandli haath pe dhudhli si hina ki tahreer

Apne afkaar ki ashaar ki duniya hai yahi
Jaane mazmoon hai yahi shaahide maana hai yahi
Apna mauzoo-e-sukhan inke siva aur nahi
Tabba shayar ka vatan inke siva aur nahin

Yeh Khoon Ki mahak hai ki labe yaar ki khushboo
Kis raah ki - Jaanib se saba aati hai dekho
Gulshan mein bahar bahaar aayi ki zinda hua abad
Kis sand se naghmon ki sada aati hai dekho

See also:
JustSomeLyrics
125
125.58
Linkin Park 06_Hands Held High_03_07_08_LP_LIVE_Las Vegas 2 Lyrics
Víctor Manuel Adonde irán los besos Lyrics