Dicen que tienes muches perres
y nun gastes un chapu
¡sabrá Dios en ónde
tendrás el furacu!

¡Cuántos, cuántos restolaron...!
per toles sotravies,
debaxo les teyes
y hasta per les matos.

Siempre que te vi
andaves solu pel camín
con les madreñes desferraes,
un paraguón y un cayáu.

Siempre que te vi
andaves solu pel camín
con les madreñes desferraes
y un paraguón...

Chacho, ¿ónde tas, chacho?
fuisti pal otru mundu
sin habelo probao.
Mucho te gustaben les moces
y nun hubo ninguna
que mirare pa ti.

Nunca perdisti un cabudañu
y dibes a tolos
entierros y mises
que hubiere nel añu.

Siempre con la misma chaqueta,
los mismos bombachos,
les mismes chiruques
que enseñen la dea.

Siempre que te vi
andaves solu pel camín
con les madreñes desferraes,
un paraguón y un cayáu.

Siempre que te vi
andaves solu pel camín
con les madreñes desferraes
y un paraguón...

Chacho...

See also:
JustSomeLyrics
18
18.90
system of a down physco Lyrics
Louise 2 Faced Lyrics