Züri West I schänke dir mis Härz Lyrics

I schänke dir mis Härz
Meh han i nid
Du chasch es ha, we dä wotsch
Es isch es guets
U es git no mängi, wos würd näh,
Aber dir würdis gäh

D Szene isch a chlini Bar
Irgenwo i dere Stadt
Und ich bsteue a Whisky
Hocke irgendwo ane
Wos kä Platz het u luege e chli ume
Wär so umanang hocket
Aber kenne duäni niemer hie inne
öberall hocke Lüüt hinger de Schampusköble
Gäng ä Frou u ne Typ
U nippe amne Flüt u hange anang aa
U rede öppis aber nüt
U nume ig bi allei
Hie u da wächslet ds'Liecht
Hie u da verschwinde wider zwöi irgendwo
U irgendeinisch geit hinde
a„ dunkubrune Vorhang uuf

Hinger em Vorhang hets a Bühni
Uf der Baühni steit a Frou
Wo i de Ungerhose irgendsone Show zeigt
I luege so chli zue
U i hocke so chli da
U gspöre plötzlech
Dass i irgendsone Hang ufem Chnöi ha
U dräie mi um
U näbe mir hocket eini
Wo i nie voher ha gseh
U fragt, ob ig alleini sig
U sie sig ou allei
I söu nid überlege
I gfallere a so
Si wöu eifach a chli rede
Viellech set i hie no säge
Sie gseht schön us
Sie isch a schöni mit schöne, länge Haar
U klar bin ig närvös worde
Klar han i drunke U mit jedem Schluck het sie mi no chli schöner
afa dünke
U nach jedem Glas Champagner
Het sie gang no eis wöue
I ha zaut u zaut
Bis i eifach nöm ha chönne
U ha gseit:"Hey,
Wei mer nid zu mir oder so?"
U sie het gseit:
"I chönnt di so verwöhhne.
So ire haub Stung chönnti cho
Jetzt säg mer eifach no wivöu."
I sag:"Wivöu?"
"Wivöu gisch mer, wenn i chume?"

Refrain: (4x)
I schänke dir mis Härz meh han i nid
Du chasch es ha, we de wotsch
Es isch es guets
Es git no mängi, wos würd näh
Aber dir würd is gäh