w´en mi jus´ come to Landan toun
mi use to work pan di andahgroun
but workin´ pan di andahgroun
y´u don´t get fi know your way around

Inglan is a b____
dere´s no escapin it
Inglan is a b____
dere´s no runnin´ whey fram it

mi get a lickle jab in a bih ´otell
an´ awftah a while, mi woz doin´ quite well
dem staat mi aaf as a dish-washah
but w´en mi tek a stack, mi noh tun clack-watchah

Inglan is a b____
dere´s no escapin it
Inglan is a b____
no baddah try fi hide fram it

w´en dem gi´ you di lickle wage packit
fus dem rab it wid dem big tax rackit
y´u haffi struggle fi mek en´s meet
an´ w´en y´u goh a y´u bed y´u jus´ can´t sleep

Inglan is a b____
dere´s no escapin it
Inglan is a b____
a noh lie mi a tell, a true

mi use to work dig ditch w´en it cowl noh b____
mi did strang like a mule, but bwoy, mi did fool
den awftah a while mi jus´ stap dhu ovahtime
den awftah a while mi jus´ phu dung mi tool

Inglan is a b____
dere´s no escapin it
Inglan is a b____
y´u haffi know how fi survive in it

well mi dhu day wok an´ mi dhu nite wok
mi dhu clean wok an´ mi dhu dutty wok
dem seh dat black man is very lazy
but if y´u si how mi wok y´u woulda sey mi crazy

Inglan is a b____
dere´s no escapin it
Inglan is a b____
y´u bettah face up to it

dem a have a lickle facktri up inna Brackly
inna disya facktri all dem dhu is pack crackry
fi di laas fifteen years dem get mi laybah
now awftah fifteen years mi fall out a fayvah

Inglan is a b____
dere´s no escapin it
Inglan is a b____
dere´s no runnin´ whey fram it

mi know dem have work, work in abundant
yet still, dem mek mi redundant
now, at fifty-five mi gettin´ quite ol´
yet still, dem sen´ mi fi goh draw dole

Inglan is a b____
dere´s no escapin it
Inglan is a b____
is whey wi a goh dhu ´bout it?

See also:
JustSomeLyrics
22
22.74
Andre Sardet O azul do ceu Lyrics
MALON Ciegos del mundo Lyrics