Hummelo 1958, een foto uut de zesde klas
ik kan ze mien allemoal goed herrineren
ik wet nog goed hoe 't was
prupkes schieten en deerntjes plagen was 't liefste wat ik dee
Mientjen geet met Anton, krasten wi-j op de plee

vanaf de middagpauze, za-w te wachten op de bel
wie gin andacht bi-j de les had, die riskeren een lel
endelijk drie uur zalige bel, de school die basten los
wie de pech had noa te blieven die was zwoar de klos

leagere school in Hummelo, ik wet 't nog heel best
't is, denk ik, vaak een mooie tied gewes

de vri-je woensdagmiddag, doar leaven ik noar toe
appels jatten, flinten schieten of 1 of andere koe
elken dag had ik wel iets gedoan dat
van de grote mensen niet moch
kreeg ik dan veur de bokse dan had ik veur een dag genog

leagere school in Hummelo, ik wet 't nog heel best
't is, denk ik, vaak een mooie tied gewes

schoolreisjen met de klas was veur mien een hoogtepunt
breudjes en twee gulden zakgeld, een rulleken peppermunt
wi-j vertelden stoer in huus: "wi-j bunt zowat in Duutsland gewes"
opa zei: " wat een end van huus", haal'n 'n stuuver uut de tes

leagere school in Hummelo, ik wet 't nog heel best
't is, denk ik, vaak een mooie tied gewes

leagere school in Hummelo, ik wet 't nog heel best
't is, denk ik, vaak een mooie tied gewes

See also:
JustSomeLyrics
23
23.48
El Canto del Loco Te recuerdo (bonus track) Lyrics
Skank Amolação Lyrics