ye raat jaise dulhan ban gayee charaagon se
karungaa ujaalaa main dil ke daagon se

aaj kee raat mere dil kee salaamee le le
kal teree bajm se diwaanaa chalaa jaayegaa
shammaa rah jaayegee parawaanaa chalaa jaayegaa

teree mahafil tere jalawe ho mubaarak tuz ko
teree ulafat se nahee aaj bhee inkaar muze
teraa mayakhaanaa salaamat rahe aye jaana-ye-wafaa
muskuraakar too jaraa dekh le yek baar muze
fir tere pyaar kaa mastaanaa chalaa jaayegaa

mainne chaahaa ke bataa doo main hakeekat apanee
toone lekin naa meraa raaja-ye-mohabbat samazaa
meree ulazan mere haalaat yahaan tak pahunche
teree aankhon ne mere pyaar ko nafarat samazaa
ab teree raah se begaanaa chalaa jaayegaa

too meraa saath naa de raah-ye-mohabbat mein sanam
chalate chalate main kisee raah pe mud jaaoongaa
kahakashaan chaand sitaaren tere chumeinge kadam
tere raste kee main yek dhool hoon, ud jaaoongaa
saath mere meraa afasaanaa chalaa jaayegaa

See also:
JustSomeLyrics
32
32.58
Jimmy Nail & David Cullen On This Night of a Thousand Stars Lyrics
RZA 3rd World Feat. GZA Lyrics