Jin Yum Dom Cha Lyrics

06. 飲啖茶
作曲 : Allen Sung, Kevin Nishimura, James Roh, Jae Choung and Stefon Taylor
作詞 : Jin
編曲 : Kevin Nishimura, James Roh, Jae Choung aka Far*East Movement
監製 : Kevin Nishimura, James Roh, Jae Choung aka Far*East Movement

飲啖茶　食個包　飲啖茶　食個包
飲啖茶　食個包　飲啖茶　食個包
約咗十點半　十點半一定要到咁早唔係去飲茶仲有乜嘢可以去做
唔介意搭檯嘅　嘢食可以即刻到口　唔想搭檯嘅就大約十五分鐘左右
冇辦法啦　寧願等一等都唔想同人逼　我同你話晒大家根本都唔係相識
我有你　你有你　你飲香片我飲普洱　我地根本就唔夾　所以有得避就要避
飲茶根本淨係得個嘈　最緊要係啲嘢食全部熱辣辣岩岩新鮮出爐
飲茶淨係得個嘈　最緊要係啲嘢食全部熱辣辣岩岩新鮮出爐
飲啖茶　食個包　飲啖茶　食個包
飲啖茶　食個包　飲啖茶　食個包
我地做個比例　如果點心係一套戲　蝦餃一定會做主角　因為佢實在太好味
唔係點解次次出場先都係佢落檯　我話蝦腸唔係牛腸　唔該幫我改一改　
啲糯米鷄太熱　所以我次次慢慢咬　唔該要一碟排骨　同埋嚟多兩籠鳳爪
啲蛋撻唔夠熱唔該你幫我叮一叮　請問啲叉燒包究竟係焗嘅定係蒸　
啲蘿蔔糕最緊要煎得好　再喺上面加一啲海鮮醬就可以即刻擺落肚
啲蘿蔔糕最緊要煎得好　再喺上面加一啲海鮮醬就可以即刻擺落肚
飲啖茶　食個包　飲啖茶　食個包
飲啖茶　食個包　飲啖茶　食個包
你唔飽　飲茶有呢一下方便　可以叫碟乾炒牛河或者海鮮炒麵
食唔晒嘅可以打包　做人慳得就要慳　等我飲埋呢啖茶　就叫個伙計買單
嗱　我而家就去一去洗手間　上次你請　今次等我俾　千其咪嚟同我爭
嗱　嗱　上次你請啊　今次梗係到我架啦　嗱係咪朋友先　係朋友嘅就唔好同我爭啊
喂　大家自己人爭咩啫　梗係等我俾啦喂　你唔係呀　你唔係搵交嗌呀嘛
飲茶你都要搵交嗌　喂　等我俾啦
飲啖茶　食個包　飲啖茶　食個包
飲啖茶　食個包　飲啖茶　食個包