Baze Ender weniger Lyrics

Lueg i find di ja ehrlech sympatisch
Dini ehrlechi art u du redsch us erfahrig
We verzeusch vo dine reise um d ärdä
Nach dine büecher im gsteu scho jede meilestei gläsä
so gschiid, u i sta eifach drnäbä
weiss nid was z mäudä ussert bitte reichmer di fläschä
ich chum nid mit bi eune komplexe diskussione
me dr typ mit kollege bekifft vordr glotze
würdn nid behoupte s imponiertmr nid
we ufm klavier gschwing paar sinfonie spiusch
dini chohlezeichnige si o nid ohne
wo jedem scho zeigsch chum tritter id wohnig
drzue schpiusch ire band, ä mix us jazz
u funk, nid ärnscht nur so zum spass
weisch meitli sogar i ha einigi hobbys
se nur nid jedem a chopf wirf, isch irgendwie

nei sorry......äh...ender weniger
scho nätt u so, aber äh
ender weniger, scho intelligänt,
inneriwärt, abr nid so mi style

muess sägä toll hesch dini wohnig igrichtet
puppesammlig u erscht au di rolf knie biuder
bunti rösser u löie, animiere bsuecher zum höckle u tröime
nur i findse so scheusslech
plus glänzendi delfine us porzelan
bärge vo figure öb us houzodrglas
dis zimmer toucht ines meer vo cherzeliecht
i eher reserviert, has weniger einzuchind
chasch ja nüt drführ bisch so verwöhnt
doch enttüscht, we nid au wünsch in erfüüuig gö
seisch fassisch nidsoschnäu vertroue zu männer
mir nimts ja wunder nid bi dene mags wod froue läsä
i sitz gärn bi tee i dim wintergarte
dikutier o über problem vo gymnasiaschte
glich wiviu wäutenis trenne, i blib nätt
sött ändlech ga penne, u äbä irgendwie

nei sorry......äh...ender weniger
scho nätt u so, aber äh
ender weniger, scho intelligänt,
und inneri wärt, abr nidso mi style

büglisch am wuchenänd imne inclub adr bar
äuä kennsch jede vip u superstar
äuä treisch sones tribal knapp oberem arsch
verteilsch vorem mc flyer am am donschti ab e
i weiss du geisch mitr zyt, vou säubschtbewusst
machsch straight dis ding, sofärn vo jedem ifluss
treisch di eiget look vöuig neue style
verpeschtisch jede rum mit dine röicherstäb
oh no hör uf göise u närvä
bi dire zhöche stimm chömemer träne
scho guet, scho guet , bisch so super gluunt
s mi nur nid erstuunt wenndr i d ouge lueg