حمدان أمك توصيك ..
!قصيدة مؤثرة جداً قصيدة كتبتها عجوز بعد أن اودعها أبنها في دار
المسنين وطالت المدة لثلاث سنوات بدون أن يزورها ورغم كل هذا
كانت القصيدة مليئه برحمه وعطف الأم .. الله يخلي لنا امهاتنا يارب
ويارب تكون هالقصيدة درس للكثير من الأبناء ودرس لزوجات
الأبناء اللي يحرضون الأولاد على عقوق أمهاتهم .. والدنيا دوارة

=============================================

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم أشيلـك وأداريك .. وألاعبـك دايـم وتمشـي ورايـا

ترقد على صوتي وحضني يدفيـك .. ما غيرك أحدٍ ساكن فـي حشايـا

واليا مرضت أسهر بقربك وأداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. وأخلصت للزوجه وأنا لي شقايـا

أنا أدري أنها قاسيـه مـا تخليـك .. قالت عجـوزك مـا أبيهـا معايـا

خليتني وسط المصحه وأنا أرجيك .. هذا جزا المعروف وهـذا جزايـا

يـا ليتنـي خدامـة بيـن أياديـك .. من شان أشوفك كل يوم برضايـا

مشكور يا ولدي وتشكر مساعيـك .. وأدعـي لـك الله دايـم بالهدايـا

حمدان يا حمـدان أمـك توصيـك .. أخاف ما تلحق تشـوف الوصايـا

أوصيت دكتور المصحه بيعطيـك .. رسالتـي وحروفهـا مـن بكايـا

وإن مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

See also:
JustSomeLyrics
37
37.50
Cazuza Guerra Civil Lyrics
Frankie Valli & The Four Seasons Beggin' (Pilooskire Edit) Lyrics