Züri West I Schänke Dr Mis Härz Lyrics

I schänke dir mis Härz
Meh hani nid
Du chasch es ha, wede wosch
Es isch es guets und es git
No mängi wos würd näh
Aber dir würdis gä

D'Szene isch e chlini Bar
Irgendwo i derä Stadt
Und i bschtellä ne Whisky
Hocke irgendwo ab wos ke Platz het
und luege nechli umä wär so umänang hocket
Aber kenne dueni niemer hie inne
Überau hocke Lüüt hinger dä Schampuschüblä
Gäng ä Frou und nä Typ
U nippä amne Flüüt u hangä anänang aa
U redä öpis über nüüt
U numä i bi ällei
Da wächslet Liecht
Hi u da verschwindä wider zwoi irgendwo
U irgendeinisch geit hinde
Ä dunkelblaue Vorhang uf

Hingerem Vorhang hets ä Büni
Uf där Büni steit ä Frou
Wo ide Ungerhose irgendsonä Show zeigt

I luägä sochli zue
U i hocke sochli da
U gspürä plötzlech dasi irgendsonä Hang uf äm Chnoi ha
U dräiä mi um
U näbe mir hocket eini
Woni nie vorhär ha gseh
U fragt öb i elleini sig
U sie sig o ellei
Un'i söu nid überlege
U I gfau ihre n'eso
Si wöu eifach echli rede
Vielleicht sötti hie no säge
Sie gseht schön us
Sie isch e schöni mit schöne lange Haar

U klar bini närvös worde
Klar hani trunke
U mit jedem Schluck het si mi
no chli schöner afa dünke
U nach jedem Glas Champagner
Hetsi gäng no eis wöue
I ha zaut u zaut
Bis i eifach nüm ha chönne
U ha gseit: ‚Hey weimer nid zu mir oder so?'
U sie het gseit: ‚I chönnt di so verwöhne'
So ire Haustung chönnti cho
U jetzt sägmer eifach numeno wiviu'
säg: ‚Wieviu‚Wiviu gischmer weni chume?'

I schänke dir mis Härz
Meh hani nid
Du chasch es ha, wede wosch
Es isch es guets und es git
No mängi wos würd näh
Aber dir würdis gä