Mei, w____, jetz wo i di so doliegn sich,
so weit weg hinter dera Glasscheibn,
genau oa Lebn zweit weg, da denk i ma doch,
es hat woi so k__ma müaßn,
i glaub oiwei, du hast as so wolln, w____.

Ogfanga hat des ja ois 68,
woaßt as no: Alle zwoa samma mitglaffa
für die Freiheit und fürn Friedn,
mit große Augn, und plärrt hamma:

Bürger laßt das Glotzen sein,
kommt herunter, reiht euch ein!
Und du woast hoit imma an Dreh weiter wia mir,
imma a bisserl wuider, ond imma a bisserl ehrlicher.

Mia habns eana zoagn wolln, w____, und du,
du host ma domois scho gsagt: Freiheit, Wecker, Freiheit hoaßt koa Angst ham vor nix ond neamands.
Aber samma doch ehrlich, a bisserl a laus Gfühl

habn ma doch damals scho ghabt,
wega de ganzen Glätzen, die einfach mitglaffa san, weils aufgeht, wega de Sonntagnachmittagsrevoluzzer:
d' Freindin fotzen, wenns an andern oschaugt,

aber über de bürgerliche Moral herziagn!
Die gleichn, w____, die gleichn jetzt ganz brav
as Mei hoetn, weils eana sonst naß nei geht!
Und du hast damals scho gsagt, lang hoelt des ned,

Wecker, lang hoelt des ned,
da is ma zvui Mode dabei,
wenn scho de Schickeria
ihrn Porsche gegan 2 CVumtauscht,

dann muaß was faul sei an der großen Revolution, mitlaffa ohne Denka koh offt ma guat sei,
aa ned für a guate Sach.

Gestern hams an w____ daschlogn,
und heit, und heit, und heit werd a begrobn.

Dann hast plötzlich mim Schlucka ogfanga,
mitn Saufa, und i glaub, a bisserl aufgebn hast
damals scho. I versteh di, des is jo koa Wunder,
wenn man bedenkt, was alles wordn is aus de großen Kämpfer.

Heit denkas ja scho mit 17 an ihr Rente,
und de Madln schütteln weise an Kopf,
wenn d´Muater iam Mo as Zeig hischmeißt
und sagt, mach doch dein Krampf alloa, oeda Depp!

I möcht lebn, trotzdem, w____,
ma muaß weiterkämpfen, kämpfen bis zum Umfalln,
a wenn die ganze Welt an Arsch offen hat,
oder grad deswegn.

Und irgendwann hast dann ogfanga,
die echten Leit zum suacha,
de wo ned dauernd "Ja Herr Lehrer!" sagn,
hinten in dene Kneipn am Viktualienmarkt

und am Bahnhofseck. Echter san de scho, w____,
aber i hab di gwarnt, aufpassen muaßt bei dene,
weil des san Gschlagene, und wer dauernd treten werd, der tritt halt aa amoi zruck,

aber du hast koa Angst ghabt, i kenn di doch,
mia duad koana was, mei, w____,
du dummer Hund du, jetzt sickst as ja,
wia da koana was duad.

Gestern hams an w____ daschlogn,
und heit, und heit, und heit werd a begrobn.

Sakrament, w____! Warst gestern bloß
aufm Mond gwesen oder aufm Amazonas
in am Einbaum oder ganz alloa aufm Gipfel,
drei Schritt vom Himme weg,
überall, bloß ned in dera unselign Boazn!

I hab in da Früah no gsagt, fahrn ma raus,
as Wetter is so glasig, die Berg san so nah,
schwänz ma a paar Tag, wia damals in da Herrnschui,
an Schlafsack und die Welt in der Taschn,

aber du hast scho wiederamoi oan sitzn ghabt
in aller Früah, und am Abnd hast as dann
wiedar amoi zoagn müaßn,
daßd doch no oana bist.

Am Anfang wars ja no ganz gmüatlich.
Und natürlich habn ma den alten Schmarrn wieder aufgwärmt, wieder amoi umanandgstritten,
wer jetz eigentlich mim Lehrer Huber seiner Frau poussiert hat am Faschingsball,

sentimental san ma gwordn, so richtig schee wars,
bis der Depp an unsern Tisch k__ma is
mit seim Dreikantschlüsselkopf,
kloa, schwammig und braun.

Und dann hat a uns gfragt,
ob ma beim Bund gwesen san,
na ja, des habn ma ja noch ganz l___ig gfunden,
und daß a so froh wär, daß jetzt wieder Ordnung k__mt

in die rote Staatssauce,
und die Jugend werd ja aa wieder ganz vernünftig,
und die Bayern wissens as eh scho lang,
wos lang geht politisch,

w____, i hab gnau gwußt,
des haltst du ned lang aus,
und dann hat a plötzlich as Singa ogfanga,
so was vom Horst Wessel.

Hinten an de andern Tisch habns scho leise mitgsummt, und dei Birn is ogschwolln,
und plötzlich springst auf und plärrst:
Halts Mei, Faschist!

Stad wars, knistert hats.
Die Luft war wiara Wand.
Zum Festhalten. Do hätt ma no geh kenna, w____,
do hätt ma no geh kenna.

Aber na, i verstehs ja, du hast bleibn muäßn,
und dann is losganga an de andern Tisch:
Geh doch in d´Sowjetunion, Kommunist!
Freili, w____, da muaß ma narrisch werdn,

wenns scho wieder soweit is, aber trotzdem,
laßn geh, hab i gsagt, der schad doch neamands mehr, der oide Depp, nix, hast gsagt, alle schadens,
de oiden und de junga Deppen,

und dann hat der am Nebentisch
plötzlich sei Glasl daschlogn,
ganz ruhig, und is aufgstanden,
w____, du dumme Sau, i hab di bei da Joppen packt

und wollt di rausziagn,
obwohl i´s scho nimmer glaubt hab,
und du hast di losgrissen:
Freiheit, des hoaßt koa Angst habn vor neamands,

und bist auf ean zua und nacha hat a halt auszogn... w____, w____, warn ma bloß weggfahrn in da Früah,
i hätt di doch no braucht,
wir alle brauchen doch solche, wia du oana bist!

Gestern hams an w____ daschlogn,
und heit, und heit, und heit werd a begrobn.

See also:
JustSomeLyrics
40
40.7
DOF Codo Lyrics
Manna Dey Aur Chita Par Jay Undela Lyrics