Pecché quanno mme vide,
te 'ngrife comm'a gatto?
Nenné', che t'aggio fatto,
ca nun mme puó' vedé?!
Io t'aggio amato tanto...
Si t'amo tu lo ssaje!

Io te voglio bene a__aje...
e tu nun pienze a me!
Io te voglio bene a__aje...
e tu nun pienze a me!

La notte tutti dormono,
ma io che vuó' durmire?!
Penzanno a nénna mia,
mme sento ascevolí!
Li quarte d'ora sonano
a uno, a duje, a tre...

Io te voglio bene a__aje...
e tu nun pienze a me!
Io te voglio bene a__aje...
e tu nun pienze a me!

Recòrdate lo juorno
ca stive a me becino,
e te scorréano, 'nzino,
le llacreme, accossí!...
Deciste a me: "Non chiagnere,
ca tu lo mio sarraje..."

Io te voglio bene a__aje...
e tu non pienze a me!
Io te voglio bene a__aje...
e tu non pienze a me!
Io te voglio bene a__aje...
e tu non pienze a me!

See also:
JustSomeLyrics
42
42.23
Pupo Sempre tu Lyrics
Switchfoot I Turn Eveything Over Lyrics