聽呢首歌之前 你未必識我
聽完 你可能會想黎識我 你會賞識我
又或者你會憎我想打擊我
不過 無論如何 我淨係想你記得我係邊個

俾支筆我寫歌詞　我寫足幾萬次
俾支咪我rap 我好寫意
我叫做S-I-X-W-I-N-G S-I-X-W-I-N-G
SING!

ONE TWO THREE齊話聲 456嗌陸WING
今次唔明唔緊要 至緊要下次我聽得清
ONE TWO THREE齊話聲 456嗌陸WING
今次唔齊唔緊要 得你一個嗌都動聽

佢地話冇人會鐘意我 如果我太過HARD SELL自己
我淨係想多D人黎講我是非 好似話:要贏人先要贏自己
我話:要RAP人地 先要RAP我自己
我拍過電視 扮數學博士 教細佬認字 o個D教育電視
我拍過電影 我覺得我可以提名 如果金像獎有最佳路人丙
我拍過廣告 D觀眾睇到好鼓譟 收到好多投訴既廣告
但係講到我最叻 就係RAP 我RAP到深造 我RAP到乜都冇做
我RAP到戶口跌到雙位數 我堅持 我堅持
我RAP到 我阿媽都叻到識RAP我 佢話:

(堅持 堅持 幾多錢一茶匙丫 你都咁大個仔啦 有乜為
窮到日日搭地鐵偷雞用特惠)

但我堅持 我堅持 到有一日 俾地鐵罰左五百
係o個一刻我諗我終於明白 有D野我堅持再撐都冇法
我冇再堅持偷用學生飛入閘 但我堅持到呢一刻做HIP HOP

ONE TWO THREE齊話聲 456嗌陸WING
紅唔紅唔緊要 我呢刻好似囉左傑青
ONE TWO THREE齊話聲 456嗌陸WING
窮唔窮唔緊要 我生命因你動聽

GO! 大大步走上前大大步
走 屬於你自己既路 唔好著人地對鞋 走人地條路
NO! 我諗我搵到
大大步走上前大大步 我冇博大霧 FEATURING?
話我博大路 我淨係知道冇狗仔隊跟我
冇o靚妹仔跟我 仲憎我話我
OH! 有人話我似阿rain So,又話我似祖名
NO! 你話我似兩個巨星 我唔敢認
我淨係希望有一日你會話佢地兩個都幾似陸WING
呢首歌我淨係要你識得 我Six Wing 我冇得逼你覺得我得
但萬一你覺得我得 Throw Your Hands Up!

ONE TWO THREE齊話聲 456嗌陸WING
或者我第日好紅 我唔會忘記呢一刻
你地o益我個名既呢一刻
ONE TWO THREE齊話聲 456嗌陸WING
或者我第日好窮 窮到係街乞
我唔會埋怨我曾經玩hip hop

希望你都可以有一次 大大聲係人面前嗌你個名俾人聽
但係係呢個之前 齊話聲陸wing

我唔係rap既表表者 我d力都係用左少少o者
我淨係想各位先生小小姐 記得我個名叫陸永o者
謝謝
我唔係rap既表表者 我d力都係用左少少o者
我淨係想各位先生小小姐 記得我個名叫咩?
yeah 謝謝

See also:
JustSomeLyrics
43
43.12
André Hazes in een discotheek Lyrics
Feridun Düzağaç Gamlı Uçak Lyrics