Eerst was er veen en alles onbegoanboar
Het laand was sjompeg en gain mensk dij kon er wonen
Toun kwam de tied van törfgroaven en van toumoaken
Van aarmou at men pankouk, broene bonen

refrain:
Doar liggen de baauwten en de boerderijen
Doar bluit mien eerappellaand
Doar woar het vrouger kraben en knooien was
Want alles ging nog mit haand
Doar roazen nou nijmoodse rudermesienen
Op klaai, op zoavel en zaand
Doar baauwen de boeren al generoaties laang
Op Drents en t Grunninger laand.

Men gruif kenoalen en daipen, monden, wieken
En deur de bolsterloag kwam mizze en ook zaand
Toun gingen veur t eerst de eerappels doar bluien
Wat eertieds dale was, dat is nou vruchtboar laand

refrain

Het liekt zo mooi, dat laand mit aal zien kleuren
Ze stoanen in blui, t is lila, roze en wit
As bie haarfstdag de luchten zwoarder worden
Din gaait t allinneg nog om wat der onner zit

refrain

See also:
JustSomeLyrics
45
45.45
Built To Spill When Not Being Stupid Is Not Enough Lyrics
Remy Zero Save Me (Theme From Smallville) Lyrics