Plant mich bloß nit bei üch inn,
sick ich üch durchschaut hann,
weiß ich, dat ich nit om allerfalschste Dampfer benn.
Ich hann met ührer Logik nix am Hoot,
wieso ihr wat wo jedonn hatt un noch vüürhatt,
weshalb övver Leichen joht.

Denn wat ihr logisch nennt, dat nenn ich pervers,
ühr janze Wertigkeit och.
Mir brich der Schweiß bei jedem Woot von üch uss,
un wenn ihr still sitt, dann och.
Wat ihr Moral nennt, dat ess für mich Krampf,
wat ihr "normal"nennt, dat och.
Ühr Ideale hatt ihr diskret verschlamp, wie e jebruch Tempodooch.
Sitt ihr scheuklappenblind, wie't ahl Schlachtrösser sind,
affjestumpf oder bloß - skrupellos?

Refr.:
Plant mich bloß nit bei üch inn,
sick ich üch durchschaut hann,
weiß ich, dat ich nit om allerfalschste Dampfer benn.
Ich hann met ührer Logik nix am Hoot,
wieso ihr wat wo jedonn hatt un noch vüürhatt,
weshalb övver Leichen joht.

Ihr Noodelstriefe-Schreibtischtäter, hührt zo,
ejal wo ihr üch versteck:
Die Zoot stirv uss, die marionettengleich ihr
als Minenhunde vüürscheck.
Ühr Schachfijure hann et Denke jeliert
un springen einfach vum Brett,
bess zum Kadaver weed jetz nimieh pariert.
Probiert doch selvs, wie Dreck schmeckt.
Noch ess et nit su wigg, doch sick einijer Zick
weeden Daach für Daach mieh - immer mieh.

Refr.:
Plant uns bloß nit bei üch inn,
sick mer üch durchschaut hann,
weiß mer , dat mer nit om allerfalschste Dampfer benn.
Mir hann met ühre Lüje nix am Hoot,
met dämm, wat ihr ald jeloore, lüje wollt un dämm, wat ihr jraad lüje doot.

See also:
JustSomeLyrics
46
46.11
McFly McFly - Let it snow Lyrics
Jaime Sin Tierra Cápsula Lyrics