Wel het nait van vroger n dörp of n stad
n Noam dij joe n halle bult zegt
Doar speulde je as kind in joen wereldje klaain
Al dreumend kom je doar voak terecht
Veur d'ain is t Ol Pekel, Nij Scheemde, Zuubrouk
Veur d'aander is t Beem, Menskeweer
Of Sodom, Veendam, Hoogezand of Delfziel
t Old stee dat vergeet je nait weer

refrain:
Vrouger, vrouger
Wat gaait de tied toch vlug
Pas as ie older worden
Ja, din komt alles terug

t Geluk van joen jeugd goa je loater pas zain
Of aiglieks bin je altied te loat
En as je aargens binnen en t woord vrouger dat vaalt
Din kom je as snel aan de proat
Toen smouk n glas ranja as nou jus d'orange
Hing t Nijsblad van t Noorden op de plee
Op zundag n poar sauskes, dat waren onze chips
Ja aiglieks waren we haal gaauw tevree

refrain

Ik zulf kom oet Lains, mit de Wier en Diekstil
Verhildersum, d'iesboan en stört
Mor k zit op de proatstoul, dat zek joe bespoaren
Want ik kom toch al tied tekört
Toun atten we nog pofferd en bonen oet de weck
Selvera's die zongen nog live
Toun zeden wie nait: Je bent me d'r een
Wie zeden gewoon: Bist n slaif

refrain

See also:
JustSomeLyrics
48
48.122
Ede Staal Veujoar in de kop Lyrics
Toccata Magna Siren Song Lyrics