t Is vroug nog in de mörgen
En guster is al vlucht
De eerste fiets trapt deur de stad
De eerste roker kucht
De radio die kwedelt
Ik heur dat ik niks heur
En deur t gedien kropt t eerste licht
Mor doe bist ter vandeur

De nacht dij is noeit eerlek
Of ligt het sums aan mie
Zo kort astoe bie mie bist
Zo laank, laank zunder die
Zo warem deur dien oadem
Zo kold as d'oostewind
As ik die zuik en nog es zuik
en toch noeit, toch noeit vind

Het is nog moar n poar uur leden
Toun leek mie mörgen nog zo ver
Wie lagen doar in ons tìntje
En nou is t gewoon n ber
Want nou is t gewoon weer mörgen
En ber is al weer kold
Kamperen of kreperen
Zo wor je lankzoam old

Geluden van de eerste train
Die sliestern deur de stroaten
Ik moak mor thee en bin allain
k Zit in miezulf te proaten
n Klok dij luudt n knitter
In t matglas van mien denken
k Hol theepot sikkom op de kop
En k blief aingoal mor schenken

De nacht dij is noeit eerlek
Of ligt het sums aan mie
Zo kort astoe bie mie bist
Zo laank, laank zunder die
Zo waram deur dien oadem
Zo kold as d'oostewind
As ik die zuik en nog es zuik
en toch noeit, toch noeit vind
Toch noeit vind

See also:
JustSomeLyrics
48
48.123
Ede Staal De hoaven van Delfziel Lyrics
Nelly & Diddy & Murphy Lee Shake Ya Tail Feather Lyrics